Philagro Suid-Afrika:

Produkte wat werk van mense wat omgee

In 1997 het Sumitomo Chemical Company van Tokio, Japan, besluit om ’n kantoor in Suid-Afrika te open om na hulle landbouchemiese belange hier om te sien. Sodoende het Philagro Suid-Afrika in 1998 tot stand gekom, met net drie personeellede en Mnr. John Mansfield aan die stuur van sake.

Alhoewel Philagro ’n nuwe maatskappy was, was die meeste van die produkte wat versprei is, reeds bekende staatmakers in die bedryf, soos Nemesis®, Rizolex®, Sumisclex®, Meothrin® en dies meer.

In 2000 het Sumitomo die landboubelange van Abbott laboratories in Amerika oorgeneem, en sodoende is Valent BioSciences op die been gebring. Die produkte van Valent BioSciences asook die personeel wat plaaslik vir Abott gewerk het, is by Philagro ingelyf. Hierdeur het Philagro produkte soos DiPel® DF, ProGibb, Promalin® en nog vele meer by die produklys gevoeg.

Met ’n sterk verbintenis tot volhoubare voedselproduksie in landbou, is Philagro opgewonde om hul biologiese portefeulje voortdurend uit te brei. Mycorrhizal Applications wat in die VSA gesetel is, is ‘n volfiliaal van Valent BioSciences, en word beskou as ’n wêreldleier in die ontwikkeling en vervaardiging van hoëgehalte mikorisaprodukte soos EndoMaxx®.

Philagro versprei ook sekere produkte uit die stal van AlzChem in Duitsland, Aquamarine in Engeland en Sumitomo Corporation Japan.

Sedert 2005 versprei Philagro ook die aminosuurgebaseerde dierevoer byvoegings wat gebruik word in die pluimveemark, en in 2019 word AlzChem se GAA-byvoedings ook deur Philagro versprei.

Ons glo dat voortdurende navorsing en ontwikkeling om nuwe gebruike vir nuwe en ouer produkte te vind, asook om nuwe aktiewe bestanddele te registreer, van uiterste belang is vir die voortbestaan van volhoubare landbou in Suidelike Afrika.

Verder glo ons dat bekwame veldpersoneel, gerugsteun deur effektiewe bestuur, administrasie en logistiek, krities is tot die sukses van ’n landbou-insetverkaffer.

Hierdie stelling word weerspieël in ons visie:

Om waarde toe te voeg tot landbou in Suidelike Afrika deur kwaliteit produkte te verskaf, innoverende volhoubare oplossings te vind, en uitmuntende diens te lewer.

Ons slagspreuk sê ook wie ons is en wat ons doen:

Produkte wat werk van mense wat omgee.

Ons hoop u vind waarde deur ons webwerf en toepassing te gebruik, en verwelkom enige kommentaar en voorstelle.